Chroms:

Chauti Strasse, chauti Nacht, chauti Strasse...

Spooky:

Verlorene Hoffnig - ä Träne wo im Schnee versinkt
Erstarrt - aber trotzdäm i Bewegig
Im Winter ghörsch du nie wi dr Vogt singt
Mir luegä zue, wi aus ihgfrorä wird, ja (jaja)

Mir wüssä nid wo härä, we die vo obä üs alles sägä,
chöi nümm angers aus schueu, schaffä u stärbä.
Mir Liga im Schnee u wartä ufd Cheuti,
eis vo acht Milliardä - du zeusch nid

Was ig weis: I wott läbä ohni Patron
Antiterrorgsetz - isch d Schwiz so Fascho?
Aber was wott ig machä, i bi z müde zum Kämpfä
Wiso sött i lachä, we ami depressiv wärdä?

Aukähou u Weed, hilft zum vergessä
aber z'säge s'isch ä Lösig, ds fingi vermässä
Drum nimi Tag für Tag i derä chautä Wäut
mit emnä Fünkli Hoffnig, aber nid uf die woni ha Gwäut

Hook:

Es geit geng z'lang,
mir si jung, verdammt!
Mir chlättärä uf's Hausdach u schreiä:
Fürnes bessers Läbä! Mir wärtä nid vergäbe...
Mir wärtä nid vergäbe, mir wärdä nid vergässä!

Es geit geng z'lang,
mir si jung, verdammt!
Mir chlättärä uf's Hausdach u schreiä:
Fürnes bessers Läbä! Mir wärtä nid vergäbe...
Mir wärtä nid vergäbe, mir wärdä nid vergässä!

Chromos:

Okay, i has verdammt neomau satt!
Es isch chrank wi di Plag einisch quer durch di Gseuschaft wankt
Verlorni Seelä ohne Bewusstsi u Habitus
Flügä chopfüber wi jagendi Faukä im töifä Flug

Mi Chopf chreist, sitztä im nä lära Ruum
mit läärä Mönschä, sisch zerstörends Delirium
jedä macht sich Gedanke, het ä verfiggti Einig zu auem
Bla, bla, bla, es interessiert nid mau am Rand

Du chillsch mit versnoptä Ching, ig, i mim Arbeiterfium
u du zerschlahsch Opis i mim Gring
Fasch aui ändä irgendwenn i ihrem eigetä Grab,
di angerä im Hinterhof verscharrt.

Job, Liebi und Corona trifft mi grad ziemlich hart
Aber Chromos blibt gäng no:
tätowiert u vorbestraft (vorbestraft)

Hook

(Es geit geng z'lang...)

Melaka:

Lug üs Mönschä ah: wei Veränderig
aber sitztä numä da u nein mir si nid blind
Wüu mir gesh's jedä Tag i dä Nachrichtä
düe üs drnah richtä, was die obä sägä. Ey Gott, ghörsch du mi sägä?

Stiui tritt ih
losisch du grad Punk oder git's di vilech gar nid?
I gloub di zwöiti Ussag vo mir -
die - stimmt - über - ih

Mimu:

Anarchokommunistischi Gedankä
nur dr Auk tribtis ab u zue id Schrankä
Gras u Zigis vernäblä mi Chopf,
gseh langsam d Vernunft wisi langsam tropft u tropft.

U drvo fliesst ines Meer
us verlornä Tröim usem Hüserblock
O wesech z'Läbä mängisch inä Steilkurfä lehnt,
d'Utopie würkt mängisch numä no ä Steiwurf entfernt!

Hook

(Es geit geng z'lang...)